هى هتفرق ؟؟؟؟

عند عودتى من مدينتى الجامعيةهذا الأسبوع اذا بى أرى أمى ليست على الحال التى تركتها عليها قبل سفرى

أنا :مالك يا ماما وشك مخطوف كده ليه فى حاجة حصلت...... بابا مزعلك ولاايه

أمى :أخوكى يا بنتى؟؟

أنا : ماله يا ماما عملك حاجة ؟

أمى:لا يا بنتى ده الجماعة جولو هنا أول امبارح

أنا:جماعة مين يا ماما .....اااه ه ه ه قصدك اخوانا البعدا

أمى :أيوه يا حبيبتى جهم هنا أول امبارح وقعدو يرنو الجرس فوق وتحت لغاية ما صحونا وأبوك رد عليهم

أنا :وبعدين ؟

أمى:أخوك ماكنش موجود وأبوك قالهم كده ومشو

أنا : هم جهم الساعة كان

أمى: الساعة واحدة ونصف بالليل

أنا :هم كانو جايين لمين للصغير ولا للكبير

هى هتفرق ؟

أنا:ايه اللى مزعلك دلوقتى حتى لو خدوه انت ما تعودتيش ولا ايه ما هم خدو الصغير قبل كده والموضوع كمل على خير والحمد لله

كادت أمى أن تبكى وتنهمر دموعها

فى ذلك الوقت تذكرت ذلك اليوم الذى أتت فيه سيارات أمن الدولة لأخذ أخى الأصغر

ثلاث سيارات تركن خارج المنزل

طرق شديد على باب المنزل

أستيقظ من نومى مفزوعة ؟

أنا:فيه ايه يا ماما ايه اللى بيجرى

أمى:اصحى يا بنتى فيه ناس جاية تاخد أخوك

أنا:يخدوه فين يا ماما

أمى:قومى وخلاص وبطلى كلام

أنا:هم هيدخلو اوضتى

أمى:ايوه هيدخلو كل مكان فى البيت

أنا:طب يا ماما هتيلى الايشارب من بره

أمى:يلا بسرعة يا مى عايزين يدخلو أوضتك

أنا:ماشى يا ماما هلبس واستر نفسى واخرج

هو فيه ايه؟؟؟؟؟؟

خرجت وذهبت لحجرة الجلوس ولم أتمالك نفسى من البكاء وأخذت أقول

يا حى يا قيوم برحمتك أستغيث

يا حى يا قيوم برحمتك أستغيث

يا حى يا قيوم برحمتك أستغيث

.....

يدخلون حجرتى وباقى حجرات المنزل

يعيثون فى المنزل فسادا

يبحثون عن أشياء لا يعلمون ما هى

أبى : جايين تاخدو مين...... الكبير ولا الصغير؟؟؟؟

هو فيه فرق

؟؟؟

هم: الصغير

أبى : الصغير ....متأكدين

هم : أيوه الصغير

فى اليوم ده الصغير والكبير كانو موجودين

فأخذو بعض الكتب الدينية وأخذو أخى الأصغرولم يتركوه الا بعد أسبوعين

لن أتحدث عن حال بيتنا خلال هذين الأسبوعين

بكاء ليل ونهار

ذهاب هنا وهناك

لجوء لفلان وفلان

ولكنى لم أفعل مثلهم ولجأت لربى ولسان حالى يردد

يا حى يا قيوم برحمتك أستغيث

أخى الأصغر كان لسه فى بدية التزامه

اطلاق لحية تقصير ثياب وحضور لدروس وصلاة بالمسجد

لم يكن ينتمى للجماعة المحظورة

لم يكن يتحدث فى السياسة

لا يشارك فى اتحاد الطلاب

لا يرشح نفسه للانتخابات ولا يذهب للادلاء بصوته

أخى الأكبر كان على النقيض من ذلك تماما

ينتمى لجماعة اسلامية محظورة

يتكلم فى السياسة

يشارك فى الانتخابات

هذا ما دفع أبى للاستغراب

جايين للصغير ولا الكبير

هل يحق لأبى الاستغراب ؟

أم أن كليهما مطلوب ؟؟