كلاكيت تانى مرة

Saturday, November 24, 2007

سلام الله عليكم


تانى مرة يجيلى تاج


وبرده من نفس الشخص


بلديات بقى يا جماعة


ومنافية زى بعضينا



نتوكل على الله وباسمه نبدا


لو ماكنتش مصرى بس عربى كانت هتبقى ايه نظرتك للمصريين واللى بيحصل فى مصر دلوقتى؟


بصراحة عمرى ما تخيلت نفسى اكون غير انا


بس هو فيه فرق بين المصرى والعربى ما احنا كلنا عرب برده؟؟


عموما نظرتى مش هتختلف


هبقى زعلانة قوى على حال المصريين اللى حالهم بيفكرنى بالمريض اللى عارف مرضه كويس وفى نفس الوقت عارف علاجه لكنه بيعافر او بيستهبل او بيسيعبط او مش فارقة معاه أو مش معاه فلوس يجيب العلاج ده بقى حال الشعب أو المحكومين


أما الحكام فحدث ولا حرج شكلهم كده فى غيبوبة ومش حسين بأى حاجة فى حالة الا وعى كما يقولون


ربنا يفوق من فى الغيبوبة ويشفى من لا يجد قوته


بصراحة حال يكئب




لو كنت اوروبى غير مسلم بردو ايه نظرتك للعرب والمسلمين؟


أولا سأرفض التعميم او الحكم على الاشياء بدون دراسة واقرا فى الدين الاسلامى وبعدين احكم


هاكيد هاقول مين اللى قال ان هو ده الاسلام اللى بيكلموا عنه


وافصل بين الدين وبين المنتسبين للدين اسما وليس فعلا


واعلن اسلامى فورا


لو قالو انك بقيت رئيس جمهورية؟


هاقولوهم أكيد اشاعة وهتحقق من الامر


ولو طلع الخبر صحيح هاقولهم اخترتم الشخص غير المناسب للمكان غير المناسب برده


رئاسة جمهورية ايه هو الواحدعارف يبقى رئيس جمهورية نفسه علشان يبقى رئيس جمهورية بلد


الله المستعان


وقبل ده كله تولى المرأة هذا المنصب حرام شرعا


هى الحكاية ناقصة خيبة ما كفاية اللى احنا فيه


عموما أنا برشح عصفور المدينة


لو كان ينفع ترجع طفل تانى وتخليك طفل على طول هترجع وليه؟


زمان وانا صغير كنت بحلم ابقى كبير..... ابقى كبير .......كبر القلب واتحير من الدنيا ومن المشاوير


بصراحة كده كل مرحلة لها جمالها ولها عيوبها ولها مميزاتها


ما دام ربنا كتبلى انى أكبر اكيد ان ده أفضل


وما يقدره ربى ترضى به نفسى


لوعندك مريض وحالته ميؤس منهاايهما تفضل انك تصارحه بالأمر وتقوله كل شىء بأمر الله فى الاخر ولا تغرس فيه الامل لغاية ما يموت؟


اولا مفيش حاجة ميؤس منها كل شىء بيد الله وربنا قادر على كل شىء وربك لا يعجزه شىء


اعتقد لو الحقيقة دى استقرت فى نفس أى مريض أكيد هيتلقى أى شىء بالرضا


لكن انا مش اقدر اواجه المريض بالخبر شخصيا ممكن أبلغ أهله وهم يتصرفوا


انا ضعيفة جدا فى المواقف دى


لو سمح لك برؤية الرسول عليه الصلاة والسلام وانك تقوله كلمة واحدة او جماة واحدة هتكون ايه ؟


يااااه الواحد يستاهل كده؟؟؟


دا لو حصل الواحد مش هيعوز حاجة من الدنيا تانى


هقوله


انت راضى عنى؟




لو خطبت واحدة أو اتخطبت لواحد واكتشفت ان الطرف الاخر غير قادر على الانجاب ؟


عايزين الصراحة الموضوع ده صعب قوى على الطرفين وبما انكم بتسألونى أنا


هاحط نفسى مكان الطرف الاخر واشوف ما كنت اتمنى الطرف التانى يعمله وهاعمله


بس ساعات العواطف وحدها لا تكفى


لكن برده اتخيل نفسى انا اللى غير قادرة على الانجاب ساعتها هبيبقى نفسى الطرف الاخر يكمل الموضوع بس بصراحة هاسمحله يجوز زوجة تانية ويبقى عنده أولاد


بس يا ترى هو هيكون موقفه ايه؟


لو طلعت القمر هتكتب ايه عليه ؟


نفس اجابة عصفور المدينة ودكتور حر


لو كنت فى عصر ازدهار الاندلس كنت تتخيل نفسك ؟


وماله العصر اللى احنا عايشين فيه ما كله ازدهار وتنمية وبلدنا بتتقدم بينا


يعنى الواحد يبقى عنده ازدهار ويروح يدور فى حتة تانية ؟


ده حتى ازدهار تزعل منى على فكرة ازدهار ده اسم صاحبتى


عموما ما أتخيله مجرد اختلافات ظاهرية الاسم مختلف ......اللبس مختلف ......طريقة الحياة مختلفة


بس أكيد هبقى أنا برده فى طريقة تفكيرى وفى قناعاتى


بس ممكن نقول لو انا عايزة حاجة تتغير


انى أكون مدرسة بضم الميم وبفتحها ولا أكثر من ذلك


لو انا مررت التاج ده لحد وما جاوبش عليه هاعمل فيه ايه؟


كل واحد حر فى تصرفاته


بس شكلك كده مش ناوى على خير


الحمد لله أنا خدت بالأسباب واجبت على التاج


احنا مش قدزعلك






وعن الحب ............اتساءل؟؟

Wednesday, November 21, 2007


الحب؟؟؟
عندما نسمع هذه الكلمةلا يتطرق الى الأغلبية العظمى منا سوى ذلك الحب التليفزيونى كما أحب أن أطلق عليه
ذلك الحب الذى يقصر هذا الشعور الجميل على علاقة محرمة بين ولد وبنت
حب مرتبط ارتباط وثيق بالشهوات والأهواء
أظن أن من يعتقد ذلك يظلم ذلك الشعور وهذه العاطفة كثيرا
هل يستطيع أى منا ان يعيش بدون حب؟
هل الحياة لها معنى بدون حب؟
هل سيظل احساسنا بالأشياء الجميلة كما هو بدون حب ؟
ولكنى أتساءل......

هل لا يكون الحب حبا الا اذا كان بين رجل وامرأة لا تربطهم ببعض أى علاقة شرعية

أحبى لدينى ليس حبا؟؟؟

أحبى لبلدى ليس حبا ؟؟؟
أحبى لأسرتى وابى وأمى ليس حبا؟؟؟
أحبى لأصدقائى ليس حبا؟؟؟
و .................................................لكن
هل هذاأيضا هو الحب الذى يشعر الانسان بحياته ويكسبه السعادة الدائمة فى الدنيا والاخرة؟؟
لست أقول ان حب لاسرتى واصدقائى وبلدى ليس هو ذلك الحب ولكنى أقول ان هناك حب أكبر من ذلك كله

ألا وهو حب من منحنا القدرة على الحب
حب الله



حب الله تعالى هو أعلى أنواع الحب، وقمة الهرم الإيماني، فمتى أحب العبد ربه ترك ما لا يرضيه وسار على درب الصلاح الذي رسمه له، وابتعد عن المعاصي، فمن أحب الله بحق أطاع أمره واتبع شرعه، فالمخالفة والعصيان دليل كذب المحبة أو نقصها.
ولذا فطريق حب الله تعالى يتمثل في ترك المعاصي، مع الحرص على أداء الفرائض، والإكثار من النوافل، فهو طريق عمليّ إذن، وقد قيل: "من أحب أن يعلم ما له عند الله عز وجل فلينظر ما لله عز وجل عنده، فإن الله تبارك وتعالى ينزل العبد منه حيث أنزله العبد من نفسه، ومن أوفى بهذا الحب نال محبة الله تعالى، ويا لها من كرامة إذا حصلت!!".
فحال من يحب مولاه بحق أن يسلم وجهه وأمره وقلبه وكيانه كله لله تعالى. وحينما ترسخ محبة الله في قلب المؤمن، وتتعمق جذورها، كان الله عز وجل هو الغاية في كل شيء، وآثره المرءُ على كل شيء، وضحى من أجله بكل شيء؛ لأنه شعر بحلاوة الإيمان ولذة اليقين، فأصبحت بقية اللذائذ الدنيوية لا قيمة لها أمام هذه اللذة
أين نحن من حب الله؟
لقد بذلنا كل طاقتنا في حب وهمي، في حب الدنيا وحب الشهوات وحب النساء وحب العمل وحب المال وحب الدراسة وحب المغنين والمغنيات فجعلنا قلوبنا مساكن شعبية لكل شيء في الدنيا، وأسكنا فيها من هب ودب بغير حساب، فتزاحمت الأشياء في هذا القلب، وما عاد يتسع وطغى ذلك على حب الله ورسوله، فتركنا ما هو أعظم من ذلك وهو حب الله،

فأين نحن من الحب الأسمى والأرقى؟

من الحبيب الذي ليس بعده حبيب؟

أليس الله أحق بالحب الأول من أي حب؟
إذا طلب منك أحد أن تقول الحب الأول في حياتك بدون تفكير.. فهل سيكون الجواب هو الله؟
نتمنى أن يكون الجواب نعم، وليست أي نعم إنما هي التي تقولها بالقلب والإحساس والعقل والفعل.

تخيل لو أنك تحب أحد البشر وهو أيضًا يبادلك الحب؟

تخيل لو أنك تحب الله عز وجل ويبادلك الحب؟أيهما تفضل أن يكون حبك الأول واختيارك؟وشتان بين المفاضلة..
إن حب الله ليس قبله حب وليس بعده حب

اللهم ارزقنا حبك وحب من يحبك وحب كل عمل صالح يقربنا لحبك


للأمانة بعض الأجزاء الأخيرة منقولة