أسعد يوم فى حياتى

Friday, January 30, 2009


حياتنا اللى بنعيشها وهنعيشها ان شاء الله


فيها أيام بنفتكرها بابتسامة



وأيام بنفتكرها بدمعة




وأيام بنتمنى لو تتمحى من تاريخنا



وبما اننا فى أجازة ولسه خارجين من أحداث محزنة


هنخلى البوست ده للفرحة وبس


متيجو أكلمكم عن أسعد يوم فى حياتى





يا ترى ايه أسعد يوم فى حياتك يا لؤلؤة


أنا منكرش ان فى حياتى أحداث كتير تفرح

نجاح وتفوق...حفظ قران....دخول كلية الطب....لبس نقاب...حاجات حصلت للى حواليا وفرحتنى
ما شاء الله لا قوة الا بالله
للى نسى بس
(:



بس بصراحة اليوم ده كان أسعد يوم فى حياتى


مكدبش عليكم أنا كنت مستنية اليوم ده من زمان قوى


حلمت بيه كتير ودعيت ربنا ان أعيش وأشوفه


(:




انه يوم



كتب كتابى


أنا جوايا اقتناع ان أكتر يوم بتستناه أى بنت فى حياتها

هو يوم كتب كتابها وارتباط اسمها باسم اللى اختاره قلبها


يوم متبدى حياتها مع شريك حياتهاونصيبها اللى كتبهلها ربها


يوم متبذل كل جهدها عشان تسعد زوجها وحبيب قلبها
.............................
اليوم ده كنت حسه بسعادة كبيرة جدا كنت خلاص هطير من الفرحة زى ما بيقولوا
هعوز ايه أكتر من كده
ربنا رزقنى بزوج صالح (أحسبه كذلك ولا أزكيه على الله
جمعنا طريق واحد وهو طريق الطاعة
متواعدين نعين بعض و نكون بيت مسلم ميحكمش فيه غير شرع ربنا

أنا طول حياتى ببحث عن طريق يوصلنى للجنة



عرفت حاجات كتيرة وعملت منها حاجات قليلة




بس دايما كنت أقف عند






انظرى أين انت منه فهو جنتك ونارك




وأقول فى سرى وادعى ربنا يعنى






ان شاء الله جنتى




ادعولى ربنا يثبتنى


(:
خبر عاجل
نظرا للسعادة المفرطة التى تعيشها اللؤلؤة هذه الأيام بسبب عقد نكاحها لدكتور حر
تطلب اللؤلؤة من الجميع بمباركة هذه الزيجة وتتمنى منهم الدعاء لهم بالتوفيق فى حياتهم الحالية والمقبلة وان
ربنا يهنيهم ويسعدهم ببعض
(:
ولكم مثله ان شاء الله
(: